लुम्बिनी सांस्कृतिक नगरपालिकाका विभिन्न वडामा राहत प्रदान।
काठमाडौं,
अन्तराष्ट्रिय परोपकारी संस्था बुद्धिष्ट चु जी च्यारीटी फाउन्डेसनले लुम्बिनी सांस्कृतिक नगरपालिकाका विभिन्न वडामा राहत प्रदान गरेको छ। आर्थिक अवस्था कमजोर भएका र विपन्न वर्गहरूको पहिचान गरी आवश्यक सहयोग प्रदान गर्ने फाउन्डेसनको लक्ष्य अनुरूप शनिवार लुम्बिनी सांस्कृतिक नगरपालिकाका १० वटै वडाहरूमा राहत प्रदान गरिएको हो।
बुद्धिष्ट चु जी च्यारीटी फाउन्डेसनका स्वयंसेवकहरूको सहयोगमा दाल, चामल, नुन, तेल सहित खाद्यान्नका विविध सामग्रीहरू वितरण गरिएको थियो। स्थानीय समुदायमा बसोबास गर्दै आइरहेका मानिसहरूको आर्थिक कठिनाइमा केही राहत मिलोस् र जीवनयापन गर्नका लागि आगामी दिनहरूमा थप सहयोग होस् भन्ने हेतुले फाउन्डेसनले प्रत्येक महिना नियमित रूपमा राहत वितरण गर्दै आइरहेको छ। फाउन्डेसनका स्थापिका श्रद्धेय चङ येन गुरुआमाको सदिच्छा अनुसार सो फाउन्डेसनले बुद्धभूमि नेपालमा विभिन्न परोपकारी कार्यहरू गर्दै आइरहेको छ। राहत वितरण कार्यक्रममा फाउन्डेसनको मुठी दान राइस बैंक कार्यक्रमअन्तर्गत फाउन्डेसनले राहत प्रदान गरेका परिवारहरूले प्रत्येक दिन एक एक मुठी छुट्याएर संकलन गरिएको चामल फाउन्डेसनलाई प्रदान गरिएको थियो।