व्योम कुसुमा बुद्धधर्म संघसँगको सहकार्यमा बोधि टेलिभिजनमार्फत दैनिक १५ मिनेटको ध्यान सत्र सञ्चालन सुरु।
काठमाडौं,
विश्वव्यापी संयुक्त राष्ट्रसंघको विश्वव्यापी पहल र नेपालमा व्योम कुसुमा बुद्धधर्म संघसँगको सहकार्यमा बोधि टेलिभिजनमार्फत दैनिक १५ मिनेटको ध्यान सत्र सञ्चालन सुरु भएको छ । व्यक्तिगत तथा सामूहिक सुख–शान्ति अभिवृद्धि गर्ने र ध्यान अभ्यासमार्फत मानसिक तनाव घटाउने र सकारात्मक ऊर्जा जगाउने उद्देश्यका साथ ध्यान सत्र सञ्चालन गरिएको हो ।
नेपाली भाषामा निर्देशित दैनिक १५ मिनेटको ध्यान सत्र प्रत्येक शनिवार बिहान सात बजे बोधि टेलिभिजनमार्फत प्रत्यक्ष प्रसारण हुनेछ । सो कार्यक्रममा तपाईंहरूले बोधि टेलिभिजन, बोधि टेलिभिजनको आधिकारिक फेसबुक पेज तथा युट्युब च्यानलका साथै bknepal.yardret.byomkusuma.org र www.byomkusuma.org मार्फत सहभागी हुन सक्नुहुनेछ । ध्यान सत्रको पहिलो कार्यक्रम श्रावण १७ गते शनिवारदेखि सुरु भएको छ । शनिवार प्रसारित ध्यान सत्रका रेकर्डिङहरू तपाईंहरू माझ एक साता भर उपलब्ध हुनेछन् । यसरी हरेक शनिवार तय गरिएको समयमा सहभागीहरूले घरमै बसेर नै ध्यान अभ्यास गर्न सक्नुहुनेछ । सो कार्यक्रममार्फत व्यक्तिगत रूपमा शान्ति अनुभूति गर्नुका साथै समाजमा सद्भाव र करुणा प्रवर्धन गर्नमा ठूलो योगदान पुर्याउनेछ । यस्तै यस विश्वव्यापी पहलले व्यस्त दिनचर्याबीच छोटो ध्यान सत्रमार्फत आन्तरिक शान्ति र सामूहिक सद्भाव बढाउने लक्ष्य राखेको छ ।