सेतो गुम्बामा ङाग्सो डुब्छेन अमृत ललित सागर महासाधना पुजा हुदैं

काठमाडौं — काठमाडौं बौद्ध स्थित कानिङ सेडुप लिङ महाविहार सेतो गुम्बामा ङाग्सो डुब्छेन अमृत ललित सागर महासाधना पूजा हुने भएको छ । 

हरेक वर्ष तिब्बती चन्द्र पात्रो अनुसार दोस्रो महिनाको आठौं दिनदेखि १६औै दिनसम्म ङाग्सो डुब्छेन पूजा सञ्चालन हुँदै आइरहेको छ । सोहि अनुरुप यस् बर्ष पनि गुम्बामा ङाग्सो डुब्छेन अमृत ललित सागर महासाधना पुजाको आयोजना गर्न लागिएको हो । ङाग्सो डुब्छेन अमृत ललित सागर महासाधना पूजा विधिलाई तेर्तोन छोग्यूर देछेन लिङ्पाले प्रतिपादन गर्नुभएको हो । यो साधना विधिलाई कानिङ सेडुप लिङ गुम्बाका संस्थापक  श्रद्धेय टुल्कु उर्गेन रिन्पोछेले साधना गर्दै आइरहनु भएको थियो । हाल यहि साधनालाई वार्षिक रुपमा हरेक वर्ष तिब्बती चन्द्र पात्रो अनुसार दोस्रो महिनाको आठौं दिनदेखि १६ औै दिनसम्म सञ्चालन हुँदै आएको छ । 

यो पूजा साधनाको पुण्य प्रभावले अकुशल कर्मको विपाकहरू हटेर जाने, टुटेको अधिष्ठानहरू पुर्नस्थापना हुने र विभिन्न सबै विग्न बाधाहरू हटेर जाने तथा मृत्यु भैसकेको सम्पूर्ण सत्वप्राणिहरू पनि सुखावती भुवनमा बास हुने विश्वास गरिन्छ । अमृत ललित सागर महासाधनाको पूजा सुरु भैसकेपछि निरन्तर अटुट रुपमा ९ दिनसम्म श्रद्धेय रिन्पोछे, लामाहरु, आनिहरु लगायत सद्धर्म प्रेमी उपासक उपासिकाहरुद्धारा विभिन्न मोन्लाम पाठहरू हुनेछ भने पुजाको अन्तिम दिन अर्थात चैत्र ३१ गते सिद्धि ग्रहण तथा प्रसाद वितरण हुनेछ । 

अटुट रुपमा निरन्तर पूजामा सहभागी हुन चाहनुहुने उपासक — उपासिकाहरुलाई सहभागीताको लागी आयोजक समितिको तर्फबाट आव्हान समेत गरिएको छ ।