गुरु पद्मसम्भवको जीवन र जीवन विरासतको अन्वेषण अन्तर्राष्ट्रिय सम्मेलन सुरू
भारतको विहार नालन्दास्थित नव–नालन्द महाविहारमा गुरु पद्मसम्भवको जीवन र जीवन विरासतको अन्वेषण शीर्षकको दुईदिने अन्तर्राष्ट्रिय सम्मेलन सुरु भएको छ । नव नालन्द महाविहारको सहकार्यमा बुधबार देखि सुरु भएको सो सम्मेलनको विहारका प्रमुख राजेन्द्र अर्लेकरल, इन्टरनेशनल बुद्धिस्ट कन्फेडेरेसनका प्रेसिडेन्ट समेत रहनुभएका लुम्बिनी विकास कोषका उपाध्यक्ष खेन्पो छिमे डा. ल्हारक्याल लामा, प्रथम योल्मो खेन्पो छिमे छिरिङ, र श्रद्धेय भिक्षु उगेन नामग्यालबाट संयुक्त रुपमा दिप प्रज्वलन गरी उद्घाटन गरिएको छ ।
सो कार्यक्रमलाई सम्बोधन गर्नुहुदैं विहारका प्रमुख राजेन्द्र अर्लेकरलले गुरु पद्मसंभव, जसलाई गुरु रिन्पोछे पनि भनिने भन्दै उहाहरुले हिमालय क्षेत्रका एक पौराणिक व्यक्तित्व भएकाले तिब्बत, नेपाल, भुटान रभारतको हिमालय राज्यहरूमा बुद्ध धर्म फैलाउने श्रेय उहाँलाई नै जाने बताउनुभयो ।
यसैगरी इन्टरनेशनल बुद्धिस्ट कन्फेडेरेसनका प्रेसिडेन्ट समेत रहनुभएका लुम्बिनी विकास कोषका उपाध्यक्ष खेन्पो छिमे डा. ल्हारक्याल लामाले गुरु पद्मसंभवको जीवन र शिक्षाले तिब्बती बौद्ध धर्मलाई गहिरो रूपमा आकार दिएको बताउनुभयो । यसैगरी उहाँले गुरु पद्मसंभवको जीवनी अन्तर्दृष्टि, महायान वज्रयान बौद्ध धर्मका शिक्षाहरू, र उहाँको सांस्कृतिक र कलात्मक योगदानहरू सहित विषयवस्तुहरूको बारेमा चर्चा गर्नुभएको थियो ।
सम्मेलनमा सहभागीहरूले गुरु पद्मसम्भवको जीवन, शिक्षा र स्थायी प्रभावको बारे चर्चा गर्नुभएको थियो । दुई दिनसम्म सञ्चालन हुने सो सम्मेलनमा तिब्बत, नेपाल, भुटान, पाकिस्तान गरी करीब दुई दर्जनभन्दा बढी देश सहभागी भएका छन ।