धर्मकीर्ति विहारमा स्वास्थ्य शिविर सम्पन्न

श्रद्धेय धम्मवती गुरुमां प्रमुख रहनुभएको काठमाडौको श्रिघः स्थित धर्मकीर्ति बिहारमा धर्मकीर्ति स्वास्थ शिविर सञ्चालन गरिएको छ । लायोन्स क्लव अफ काठमाडौ र चाहाना पोलिक्लिनीक तथा डाईग्नोष्टिक प्रालिको सहआयोजनामा स्वास्थ्य शिविर सञ्चालन गरीएको हो । श्रद्धेय धम्मवति गुरुमाँको सुस्वास्थ्य तथा निरोगीताको कामना गर्दै धर्मकिर्ती विहारमा स्वास्थ्य शिविर सञ्चालन गरिएको हो । निशुल्क स्वास्थ्य शिवरका लागि चाहाना पोलिक्लिनीकबाट २ जना चिकित्सक, फिजीयोथेरपिस्ट र क्लिनीकल टेक्नीसीयनहरु आउनु भएको थियो । सो क्रममा  श्रद्धेय गुरुमांहरु र उपासक उपासीकाहरुको विभिन्न रोग परिक्षण गर्नको लागी रगत संकलन गरिएकोे धर्मकीर्ति स्वास्थ कमीटीका संयोजक रोशनकाजी तुलाधरले बताउनुभयो । नियमित रुपमा महिनाको पाँच पटक विशेष रुपमाहुने बुद्धपूजा अन्तर्गत बुधबारको बुद्धपूजा पश्चात धर्मकीर्ति विहारमा स्वास्थ्य शिविर सञ्चालन गरीएको हो । स्वास्थ्य शिविरमा विहारका आवसीय गुरुमांहरु र श्रद्धावान उपासक उपासिकाहरुको उल्लेख्य सहभागीता रहेको थियो । सो शिविरले श्रद्धेय गुरुमां, श्रद्धावान उपासक उपासिकाहरु लाभान्वित हुनुभएको छ ।