धर्मकीर्ति विहारमा बुद्धपूजा तथा धर्मदेशना कार्यक्रम सम्पन्न

श्रद्धेय धम्मवती गुरुमां प्रमुख रहनुभएको काठमाडौको श्रिघः स्थित धर्मकिर्ति बिहारमा बुद्ध पुजा सम्पन्न भएको छ ।  बुधबार अष्टमिका दिन श्रद्धेय त्यागवती गुरुमांको नेतृत्वमा बुद्धपुजा तथा धर्मदेशना कार्यक्रम भएको थियो । हरेक महिनाको अष्टमी, संक्रान्ति, पूर्णिमा, औंशीका दिन विशेष बुद्धपुजा र धर्म देशनाहुने क्रममा बुधबार अष्टमीका दिन श्रद्धेय त्यागवति गुरुमांको प्रमुखत्वमा बुद्धपुजा सम्पन्न भएको हो ।

श्रद्धेय त्यागवति गुरुमांले देशना गर्नु अघि उपस्थित उपासक उपासिकाहरुलाई शील प्रार्थना गराउनु भएको थियो । त्यस पश्चात त्रिरत्नवन्दना बुद्धपूजा भएको थियो । श्रद्धेय त्यागवती गुरुमांले सम्मोदमान जातक  बारे धर्म देशना दिनुभएको थियो ।  

नियमित रुपमा महिनाको पाँच पटक विशेष रुपमा हुने बुद्धपूजा र धर्म देशनामा विहारका आवासीय लगायत अन्य विहारबाट पाल्नुभएका गुरुमांहरु लगायत श्रद्धावान उपासक उपासिकाहरुको बाक्लो उपस्थिति रहेको थियो । कार्यक्रमको अन्त्यमा सर्व सत्वप्राणीको कल्याण एवं मंगल कामना पुन्यानुमोदन गरि कार्यक्रम समापन गरिएको भएको थियो ।