नेपालीमा अनुवाद गरिएका धम्मपद अठ्ठकथा विमोचित

बोधी संवादाता
काठमाडौं, पुस २१ । भिक्षु धम्मशोभनले आज एक कार्यक्रमका बिच कविरकुमार वज्राचार्यले अनुवाद गर्नुभएको धम्मपद अठ्ठकथा भाग १ र भाग २को विमोचन गर्नुभयो ।
कार्यक्रममा बोल्दै भिक्षु धम्मशोभनले आजभोलि सबैले सबै लेख्ने भएकोले उच्चकोटीको लेखक र अनुवादकको पुस्तक पढेमा मात्र सही ज्ञान लाभ गर्न सकिने कुरा बताउनुभयो ।
समीक्षक प्रा. सुवर्ण शाक्यले बुद्धधर्मको गहिरो अध्ययनले मात्र बुद्धधर्मलाई चिन्न सकिने भएकोले कर्मकाण्डको लागि मात्र अथवा बानी पार्नको लागि मात्र बौद्धहरुको संगत गर्नाले बुद्धले दिनुभएको शिक्षा जीवनोपयोगी हुने तथ्य औल्याउन अनुरोध गर्नुभयो ।
अनुवादक वज्राचार्यले नेपालमा त्रिपिटक अन््रतर्गतका धेरै पुस्तकहरु अझै अनुवाद भइनसकेको अवस्थामा आफुले यी पुस्तकहरु धेरै महत्वपूर्ण देखेर अनुवाद गरेको बताउनुभयो ।
खुद्दक निकाय अन्तर्गतको धम्मपदलाई पालि वाङमयमा त्रिपिटक अन्तर्गतको एक महत्वपूर्ण ग्रन्थको रुपमा लिइन्छ । धम्मपद अठ्ठकथा भनेको यसैकाे अर्थ खुलाएर गरिएकाे व्याख्या हो ।

 

2 years ago/Saturday, January 5th, 2019 /