लुम्बिनीमा सम्पन्न भयो २३६२औं बुद्ध जयन्ती समारोह

बोधी संवाददाता
लुम्बिनी, बैशाख १७ । बुद्धभूमि लुम्बिनी स्थित नवनिर्मित सभाकक्षमा राष्ट्रपति विद्यादेवी भण्डारी एवं प्रधानमन्त्री केपी शर्मा ओलीको उपस्थितिमा २५६२ औँ बुद्ध जयन्ती मनाइयो ।
सो कार्यक्रमका लागि राष्ट्रपति भण्डारी हेलिकप्टर मार्फत आजै बिहान कार्यक्रमस्थलमा आउनुभएको थियो । यहाँ बुद्धपुर्णिमा मनाउन काठमाडौं लगायत नेपालका विभिन्न जिल्लाबाट एवं विदेशबाट भिक्षु, अनागरिका, उपासक, उपासिका एवं बौद्ध विद्वानहरु सहभागी हुन आएका थिए ।

 
औपचारिक कार्यक्रम अगाडि आज सोमबार बिहाने मायादेवी मन्दिरको प्रवेशद्वारबाट शुरु गरिएको उक्त धर्मरयालीमा नेपाली सेनाको ब्याण्ड बाजा सहित स्थानीय विद्यार्थीका विद्यार्थीहरु एवं धार्मिक संघसंस्थाहरको संलग्नता थियो ।

 
सोही अवसरमा राष्ट्रपतिले हाल निर्मित सभाकक्षकोसँगै नयाँ अन्तर्राष्ट्रिय बौद्ध ध्यान केन्द्र तथा सभागृहको पनि शिलन्यास गर्नुभयो ।
भगवान बुद्धको जन्म, सम्बोधि प्राप्ती एवं महापरिनिर्वाणको त्रिसंयोग दिवसको महत्व सम्झेर उहाँको मानवमात्रको लागि दिनुभएको उपदेशको महत्वलाई श्रद्धा गरेर आजको दिन विश्वभरीका बौद्धहरुले आजको दिनलाई बुद्धपूर्णिमा, बुद्ध जयन्ती तथा स्वांयापुन्हिको नामले मनाउने गर्दछन् । बुद्धको जन्म, बुद्धत्व प्राप्ति र महापरिनिर्वाण प्राप्ति वैशाख शुक्ल पूर्णिमाकै दिन भएकाले यस दिनलाई बौद्ध धर्मावलम्बीले त्रिसंयोग दिवसका नामले महत्वपूर्ण दिनका रुपमा लिने गर्छन् ।

 

 
यस वर्ष लुम्बिनीमा यसैको अवसरमा अन्तर्राष्ट्रिय बौद्ध सम्मेलनको आयोेना गरिएको थियो जहाँ ३० भन्दा बढी नेपाली तथा विदेशी विद्वानहरुले बुद्धधर्मको विविध पक्षमा अनससन्धानात्मक कार्यपत्र प्रस्तुत गरे । यसको समापन समारोहमा १० बुँदे घोषणापत्र जारी गरिएको थियो ।

यसदिन काठमाडौं लगायत बौद्धहरुको बाहुल्यता भएको स्थानमा भगवान् बुद्धको स्मृतिमा धार्मिक पुजाआजा, शोभायात्रा, सेमिनार, भजन तथा धर्मसभा गरी मनाइने गरिन्छ ।

नेपालको लुम्बिनीमा इसापूर्व २६४२ वर्ष अगाडि कपिलवस्तुका राजा शुद्धोधन तथा रानी मायादेवीको सुपुत्रका रुपमा सिद्धार्थ कुमारको जन्म भएको थियो । सानै उमेरदेखि गंभीर स्वभावका र किन मानिसहर सजन्मेर दुखी हुन्छन् भन्ने जस्ता प्रश्वनहरुको जवाफ खोज्दै २९ वर्षका उमेरमा उनले दरवार त्यागी ज्ञानको खोजीमा लागेका थिए । विभिन्न गुरुहरुको संगत पछि आफै छ वर्षसम्म तपस्या गरेर ३५ वर्षको उमेरमा उनले सारा मानव मात्रलाई संसारको भवचक्रबाट मुक्त हुने उपाय दिए । यसैलाई संझेर बौद्धहरु आजको दिनलाई उत्सवको रुपमा मनाउने गर्दछन् ।

 

फोटो साभार फेसबुक

3 years ago/Monday, April 30th, 2018 /