बौद्ध राष्ट्र नेपाः, झीगु पहिचान । शान्ति क्षेत्र नेपाः, झीगु पहिचान ।

– अमृत रत्न तुलाधर

संसारं नेपाःयात “शान्ति क्षेत्र” घोषणा याःगु लुम्बिनीयागु ख्वालं खः, पशुपतिनाथयागु ख्वालं मखु । आः बौद्ध राष्ट्र जुल लाकि हिन्दु राष्ट्र जुल ? थौंतक नेपाःयात “शान्ति क्षेत्र” घोषणा याःगु देशदय्गु संख्या १४४ थ्यन । थ्व संख्यायात अझ साया यंके फयेके माःगु दु । तर थ्व तथ्यांक वेबसाइटय् पिहावःगु नं नेपाल सरकारं सिइक सिइक हुया छ्वःगु खः । गयोगु बेकाइदा ! “शान्ति क्षेत्र” घोषणा याःपिनिगु धलः थुकथं दुः–
अफगानिष्टान, आय्लबाय्निया, आय्लजेरिया, आय्ण्डोरा, आंय्गोला, आय्ण्टिग्वा, अर्जेन्टिना, आर्मेनिया, अष्ट्रेलिया, अष्ट्रिया, अजरबैजान, बहराइन, बंगलादेश, बरबाय्दोस, बेलारुस, बेल्जियम, बेलाइज, बेनिन, बोलिभिया, बोट्स्वाना, ब्रजिल, बेलायट, ब्रुनाइ, बल्गेरिया, बुर्किना फासो, बर्मा, बुरुण्डि, क्याय्म्बोडिया, क्याय्मरुन, क्याय्नडा, केप भर्डि, श्रीलंका, चिलि, चीन, कोलम्बिया, कोमोरस, कंगो, कोष्ट रिका, क्रोशिया, क्यूबा, साइप्रस, चेक गणतन्त्र, डेण्मार्क, जिबाउटि, डोमिनिका, इक्वेडर, मिश्र, एल साय्ल्भेडोर, एरिट्रिया, एष्टोनिया, एथिओपिया, फिजि, फिनलाय्ण्ड, फ्रान्स, ज्यर्मनि, घाःना, यूनान, ग्रेनडा, गुआटेमाला, गिनि, गुयाय्ना, हाइटि, हण्डुरास, हंगेरी, आइस्लाय्ण्ड, इण्डोनेशिया, इरान, इराक, आयर्लाय्ण्ड, इजरायल, इटलि, जमाइका, जापान, जोर्डन, केन्या, दक्षिण कोरिया, उत्तर कोरिया, कुवेट, लाओस, लाय्टभिया, लेबनन्, लेसोठो, लाइबेरिया, लिब्या, लक्जमबर्ग, माय्दग्याय्स्कार, मालबि, मलेशिया, माय्ल्दिभ्स, मालि, मौरिटाय्निया, मौरिशियस, मेक्सिको, मंगोलिया, मरक्को, मोजाम्बिक, नेडरलायण्डस्, न्यूजिलाय्ण्ड, निकारागुवा, नाइजर, नाइजेरिया, नर्वे, ओमान, पाकिस्टान, पाय्नमा, पाय्रग्वे, पेरु, फिलिपाइन्स्, पोलाय्ण्ड, पोच्र्युगल, कटार, रोमानिया, सेन्ट लुसिया, सेन्ट भिनसेन्ट, समोवा, साउदी अरेबिया, सेनेगल, सेकिलिस, सिरा लियोन, सिंगापुर, दक्षिण अफ्रिका, स्पेन, सुदान, सुरिनेम, स्वाजिलाय्ण्ड, स्विडेन, स्विजरलाय्ण्ड, सिरिया, टाय्न्जनिया, थाइलाय्ण्ड, टिमोर–लेष्टे, टोगो, टुनिशिया, टर्कि, युग्याय्ण्डा, संयुक्त अरब एमिरेट्स, संयुक्त राज्य अमेरिका, उरुग्वे, भेनेज्युएला, भियाटनाम, यिमेन, युगोस्लाभिया, जाय्म्बिया, जिम्बाब्वे ।
वय्कःपिन्त हार्दिक साधुबाद बिया च्वना ।

शाक्यमुनि बुद्ध “एशियाया ज्योति” जक मखुसे “विश्व शान्तिया अग्रदूत” नं खः । थौं झीगु देशय् ६० प्रतिशत बौद्धत दु धाःसा ३० प्रतिशत जक हिन्दुत खने दु । न्हापा भगवान बुद्ध जन्मे जूगु देश हिन्दु राष्ट्र । वाह ! गुलि याउँसे च्वं, गुलि अःपुसे च्वं । ःष्नजत ष्क चष्नजत अर्थात जसको शक्ति उसको भक्ति यानाः हिन्दु राष्ट्र घोषणा यात । निरंकुश शासन पञ्चायत नं पल्टेजुइधुंकल, तानाशाही बहुदलीय व्यवस्था नं कोदलेधुंकल । थिपिं प्रजातान्त्रिक खने मदु । उकिं झीसं आः वयाः बांलाक न्हयलं चाय्के माल, होशय् वय्केमाल । मतलब ई छप्ते हे सितिं छ्वेमजिल ।
धार्मिक इतिहास छकः ध्वाथुइक पुइका स्वःसा बौद्ध धर्मयात दकले न्हापां बिकृति हःम्ह शंकराचार्य जुया च्वन । अले वल जयस्थिति मल्ल गुम्हसियां नेपाल मण्डलं थेरवाद भन्तेपि सकसितं पितिनाः छ्वल । वयां लिपा वल पृथ्वी नारायण शाह व बाकि दनिगु शाह वंश । वयां लिपा वल जंग बहादुर राणा व बाकि दनिगु राणा वंश । वयां लिपा वल निरंकुश शासन पञ्चायत । वयां लिपा वल तानाशाही बहुदल गुम्हेसियां २०४७ सालय् खःगु संविधान बिइफुगु हे मखु । व हे मुलु, व हे सुका ––– “हिन्दु राष्ट्र” । गयोगु जिद्दीपिं ।

पञ्चायत व्यवस्था स्थापना यानाः धिराज महेन्दं्र नेपाःयात हिन्दुराष्ट्र घोषणा यात गुगुकि वया अबु धिराज त्रिभुवनं हे मयाःगु । थ्व बिलकुल मिले मजू । क्यले याना स्वःसा नेपालय् बौद्धतय्गु बहुमत दु । हिन्दुत ला अल्पमते लानाच्वंगु दु । बौद्ध धाक्वेसित अर्थात अहिन्दु धाक्वेसित नं हिन्दु यानाः जबरजस्ति बहुमत खाकल । थ्व तःधंगु अन्याय खः । विश्वया छगु जक हिन्दु राष्ट्र ला भारत खः, नेपाः मखु । नत्रसा भारतयात छाय् हिन्दुस्थान नं धाइ । नेपाः ला न्हापां निसें बौद्धस्थान खः । धिराज तःधं लाकि द्यः तःधं ? भ्रष्ट राजनिति म्ष्चतथ एयष्तिष्अक तःधं लाकि धर्म तःधं ? भारतयागु हिन्दु जनसंख्या नेपालय् ल्वाकछ्याय् हयां जिइला ? नेपालय् बौद्ध देगःत छक्वः स्वयादिसं, हिन्दु देगःत सिबे अप्पो खने दु । थ्व सत्यगु तथ्यांकयात ल्हाका तःगु खः ।

स्वइदिस म्हिगः तक मंगोल जातय् स्वखलः जक ––– तामांग, शेर्पा व मनांगेयात जक बौद्ध जनेयाना तःगु । मेगु बाकिगु सारा मंगोल जात गुपिं खः कि राइ, लिम्बु, मगर, गुरुंग, आदियात नं हिन्दु जनेयाना तःगु । थ्व तःधंगु अपराध खः । मंगोल जात फुक्कं बौद्ध जुइगु बाहेक मेगु उपाय छुं मदु । राणा मगर, थापा मगर फुक्कं बौद्ध खः । थारुत फुक्कं बौद्ध खः । थमेल प्रधानत फुक्कं बौद्ध खः ।

२०१७ सालय् धिराज महेन्द्रं न्हूगु अथवा प्रथम सम्बिधान हःगु अनुसार जनतायागु मन विरुद्ध हिन्दु राष्ट्र घोषणा यात । थुकीयात न्हू दिल्लीं विरोध मयाःगु खनाः गजब चायाच्वना । अले झिंछदं लिपा धिराज महेन्द्र थ्व संसार मत्येकं त्वःता वनेमाल । वयां लिपा काय्म्ह धिराज बिरेन्द्र वल । पोखराय् “विश्व शान्ति स्तुप” थुनाबिल । लुम्बिनिइ जापानी भिक्षु स्यानाबिल । स्वयम्भु पर्वतस्थित आनन्दकुटी विहारय् अस्तिधातु खुया यंकल । एनं छुं नियन्त्रणय् हयेमफु । न छुं कारबाही यायेफत । थुकिया फलस्वरुप दरबार हत्याकाण्डय् लानाः अकालं सिइमाल । लोकतान्त्रिक गणतन्त्र वयेधुंकाः नं सुर्खेतय् शाक्यमुनि बुद्धयागु मूर्ति कोथलाबिल । लज्या धइगु छप्ते हे मचाःम्ह प्रशासन ।

ब्रम्हू नं प्रशासन यातले, न्हयाकाच्वंतले थ्व देश ठीक नइ मखु । थ्व जिगु क्वातुगु प्रतिज्ञा खः । उकिं इमित राजनिति ख्यलं पितना छ्वयेमाः । थिपिं तापाक्का तया तयेमाः । सैतानतय्सं बौद्ध धर्मयात अति हे सह मयाः । लुम्बिनी प्रगतिशिल जुगू स्वयेमफु । भैरहवायात अन्तरराष्ट्रिय विमानस्थल द्यकुगुली सिक्क नुगः मुया च्वंगु दु । बौद्ध विश्वविद्यालय छगु दर्ता यानाबिइत अति थाकु चाइपिं । न्हूगु संविधानं धर्म निरपेक्षता मब्यूसा सापेक्षता हे हयेगु, उकिसनं बौद्ध राष्ट्र हे तु घोषणा याकेगु । थुकी जिगु तःधंगु अठोट दु । अस्तु –––

लालदरबार, कान्तिपुर । losthorizon@mail.com.np